Тәүлегенә – 700-ҙән ашыу саҡырыу

“Был бригадаларҙың 25-е баш ҡалабыҙ Өфөнө хеҙмәтләндерә”, – тип билдәләне Башҡортостан Хөкүмәтенең оператив кәңәшмәһендә һаулыҡ һаҡлау министры Максим Забелин. Тәүлегенә улар 700-ҙән ашыу саҡырыу буйынса бара. Шуларҙың иң күбе – 415-е – Өфөгә тура килә.

Республикала кисәле-бөгөнлө коронавирус 131 сырхауҙа раҫланған. 23 ноябргә ҡарата COVID-19-ҙы йоҡтороусыларҙың дөйөм һаны - 13 318. Уларҙың 86 проценты – 11 426-һы һауыҡҡан.

Бөгөнгө көндә 394 сирле стационарҙарҙа дауалана, 32-һенең хәле ауыр, 18-е – яһалма һулыш аппаратында. 1 422 сырхау сирҙе сағыштырмаса еңел уҙғара һәм өйөндә дауа ала.

Ҡыҙғанысҡа ҡаршы, афәт ҡорбандары тағы берәүгә артҡан һәм улар һаны хәҙер 76-ға еткән.

Республикала үпкә ялҡынһыныуы сире лә сигенергә йыйынмай. Аҙаҡҡы тәүлектә пневмония 395 яҡташыбыҙҙа асыҡланған, шул уҡ ваҡытта унан 411 кеше сәләмәтләнгән.