36 яҡташыбыҙҙың хәле ауыр

Башҡортостанда аҙаҡҡы тәүлектә коронавирус йоҡтороусылар 124-кә күбәйеп, уларҙың дөйөм һаны 12 933-кә етте.

Башҡортостанда аҙаҡҡы тәүлектә коронавирус йоҡтороусылар 124-кә күбәйеп, уларҙың дөйөм һаны 12 933-кә етте.

Бөгөнгө көндә дауаханала ятыусылар – 368. 36-һы ауыр хәлдә, 12-һе – яһалма һулыш аппаратында. 1 116 сырхау участка табиптары тәғәйенләгән дарыуҙарҙы эсеп, өйөндә дауалана.

Республиканың Һаулыҡ һаҡлау министрлығы һуңғы тәүлектә COVID-19-ҙан йәнә ике яҡташыбыҙ вафат булыуы тураһында хәбәр итә. Вирус ҡорбандары, шулай итеп, 73-кә етте.

Кисәле-бөгөнлө COVID-19-ҙы еңгән 51 кеше дауахананан сығарылған. Пандемия башланғандан алып сирҙән ҡотолоусылар – 11 326.

Тәүлек эсендә республикала пневмония 394 сырхауҙы аяҡтан йыҡҡан. Аҙаҡҡы 24 сәғәттә был ҡаты ауырыуҙан сәләмәтләнеп дауахананан ҡайтыусылар – 391.

Автор:Альмира Кирәева

Читайте нас: