Башҡорт ризыҡтары өсөн тауыш бир

Республиканың Ауыл хужалығы министрлығынан хәбәр итеүҙәренсә, унда ҡатнашыу өсөн Башҡортостандан 26 ғариза ебәрелгән. Конкурсанттарҙың күпселеге «Тәм-том», «Ит», «Һөт ризыҡтары» номинацияларына өҫтөнлөк биргән. Беҙҙән, мәҫлән, үҙенең бауырһағы менән Федоровка районы «Бүләк» ауыл хужалығы етештереү кооперативы ҡатнаша. Шулай уҡ Башҡортостандан конкурсҡа Бөрйән солоҡ балы, башҡорт крем-балы, ҡорот, ҡаҙы, талҡан, ҡаҡланған дөйәғош ите, Ҡариҙел үләндәре, сырҙар, минераль һыуҙар ҡуйылған.

19 ноябрҙән 2 декабргә тиклем һәр кем теге йә был ризыҡ өсөн https://russiantastes.ru/personal/requests/ һылтанма буйынса тауыш бирә ала. Еңеүселәр декабрҙә иғлан ителә.