Башҡортостанда пневмония менән ауырыу осраҡтары арта

Һуңғы тәүлектә республикала 323 кешегә ошондай диагноз ҡуйылған. 15 ноябрҙә 310 кеше һауығып сыҡҡан.

Республиканың Һаулыҡ һаҡлау министрлығы мәғлүмәттәре буйынса, яңы коронвирус инфекцияһы буйынса хәл дә «тотороҡло ауыр» булып ҡала. 16 ноябргә Башҡортостанда 12 444 кешелә COVID-19 раҫланған. Тәүлек эсендә 116 инфекция йоҡтороу осрағы асыҡланған. Уларҙың күпселеге – Өфөлә (30), Бәләбәй (23), Туймазы (11) райондарында. Яңы ыңғай һөҙөмтәләрҙең иң аҙы Әлшәй, Баҡалы райондарында һәм Күмертауҙа (берәр осраҡ) теркәлгән.