Ирек Фәйзуллин – федераль министр

Үҙгәртелгән Конституцияға ярашлы, министрҙар вазифаһына яңы кандидатураларҙы Дәүләт Думаһы ҡарағандан һуң, Президент Владимир Путин түбәндәге кешеләрҙе вазифаға тәғәйенләне:

- Николай Шульгинов, энергетика миинстры;

- Виталий Савельев, транспорт министры;

- Александр Козлов, Арктика буйынса министр;

- Ирек Фәйзуллин, төҙөлөш министры.

Шулай итеп хәҙер федераль хөкүмәттә беҙҙең ҡолаҡҡа ятышлы ике исем-шәриф бар – министр Фәзуллин һәм вице-премьер Хөснуллин. Икеһе лә Каҙанда тыуып үҫкән, карьераларын Татарстанда башлаған, төбәк хөкүмәтендә юғары вазифалар башҡарған.

Шуныһы ҡыҙыҡ: быға тиклем төҙөлөш министры булып эшләгән Михаил Мень уҡыуы буйынса - режиссер һәм юрист, ә яҡташыбыҙ Владимир Якушев юрист һәм иҡтисадсы була. Ирек Фәйзуллин иһә – төҙөүсе.