Тағы 95 яҡташыбыҙ ауырыған

Республикала коронавирус йоҡтороусылар тәүлек һайын арта бара: 3 ноябргә ҡарата уларҙың дөйөм һаны 11 051 булып китте. Кисәле-бөгөнлө вирус йәнә 95 сырхауҙа асыҡланған.

Күпселек ауырыуҙар (654) өйөндә дауалана. Дауаханаларҙа ятыусылар – 248. Шуларҙың 17-һенең хәле ауыр, өсәүһе яһалма һулыш аппараты ярҙамында тын ала.

Тәүлек эсендә, сәләмәтләнеп, дауахананан сығыусылар – 208. Дөйөм алғанда, 10 094 кеше коронавирустан ҡотолоуға өлгәшкән.

Пандемия башланғандан бирле мәкерле вирус барлығы 55 яҡташыбыҙҙың ғүмерен өҙҙө.

Үпкәләре ялҡынһынып, ауырып китеүселәр һуңғы тәүлектә бигерәк тә күп өҫтәлгән – 266. Кисәле-бөгөнлө пневмониянан һауығып, дауахананан өйөнә ҡайтыусылар – 255.

Үҙегеҙҙе, яҡындарығыҙҙы һаҡларға тырышығыҙ, ҡәҙерле дуҫтарыбыҙ!