Республика Башлығы грантына заявка ҡабул ителә

Башҡортостандың граждандар йәмғиәтенә булышлыҡ итеү фонды, 30 октябрь, Башҡортостан халыҡтары телдәре һәм республиканың дәүләт телдәрен яҡлау һәм һаҡлауға йүнәлтелгән Республика Башлығы грантына заявкалар ҡабул итә башлай.
Бәйгеселәргә түбәндәге темалар тәҡдим ителә:
- Башҡортостанда һәм унан ситтә республика сәнғәтен һәм мәҙәниәтен пропагандалау;
- телдәрҙе һаҡлауға йүнәлтелгән төрлө кимәлдәге проекттарҙы атҡарыу;
- башҡорт теле һәм әҙәбиәте, рус теле һәм әҙәбиәте буйынса дәрестәр методикаһын эшләү.
Ситтә башҡорт теле һәм мәҙәнитен һаҡлау, емешле эшләгән диаспораларға ярҙам күрһәтеү, халыҡ-ара, мәҙәни, фәнни хеҙмәттәшлекте үҫтереү, арҙаҡлы шәхестәрҙең исемдәрен мәңгеләштереүгә арналған эштәр тәү сиратта иҫәпкә алына.
Конкурста коммерция булмаған дәүләт һәм муниципаль учреждениелар ҡатнаша ала.
Проекттарҙың дөйөм финанслау күләме - 50 миллион һум.
Заявкалар 2020 йылдың 30 октябренән 18 ноябргә тиклем ҡабул ителә, уның өсөн килеп йөрөү кәрәкмәй. Бөтә заявкалар ҙа электрон портал аша ҡабул ителә: "Гранты.РБ» https://grant.openrepublic.ru/
Дәүләт теркәүе порталында теркәлеү мотлаҡ. Был хаҡта тулыраҡ "Гранты.РБ" порталының "Конкурстар" бүлегендә танышырға мөмкин.