“Һаулыҡ поезы”н үткәреп ебәрмәгеҙ

“Сәләмәт республика – сәләмәт төбәк” акцияһы сиктәрендә табиптарҙың күсмә бригадалары, райондар буйлап йөрөп, халыҡ һаулығын тикшереүен дауам итә. “Һаулыҡ поездары” график буйынса әле алты районда эшләй:

Өфө маршруты – 19 октябрҙән 23 октябргәсә Благовар районында;

Дыуан маршруты – 30 октябргә тиклем Дыуан районында;

Нефтекама маршруты – 19 октябрҙән 22 октябргә хәтлем Ҡалтасы районында;

Октябрьский маршруты – 19 октябрҙән 23 октябргә ҡәҙәр Әлшәй районында;

Стәрлетамаҡ маршруты – 19 октябрҙән 23 октябргә тиклем Күгәрсен районында;

Белорет маршруты – үҙ эшен тамамланы.

Акция башланғандан алып табиптар 25 226 кешене ҡараған, 14 993 тикшереү, шул иҫәптән 10 724 флюорография, 4 269 маммография үткәрелгән. 1 703 кешенең ҡанында – шәкәр, 1 665-ендә холестерин кимәле ҙур икәнлеге, 3 180-енең ҡан баҫымы юғары булыуы, 1 935-ендә артыҡ ауырлыҡ барлығы асыҡланған. 81 кешелә – яман шешкә, 108-ендә – шәкәр диабетына, 33-өндә туберкулезға шик булыуы билдәләнгән. Улар диагнозды асыҡлау өсөн артабан тикшереүгә ебәрелгән.

Акция 10 ноябргә тиклем дауам итә.

Фото БР Һаулыҡ һаҡлау министрлығы сайтынан алынды.