Яңы ФАП – Әбйәлилдә

#миллипроект #нацпроекты #национальныепроектыБашкортостан

Фельдшер-акушер пункты кәрәкле медицина ҡорамалдары менән йыһазландырылған. Унда йылы, яҡты, эш өсөн бар шарттар булдырылған. Прививка эшләү өсөн, фельдшер кабинеттары, санитар бүлмә, санузел эшләнгән.

– Ауыл халҡына, алыҫҡа китмәй генә, уңайлы шарттарҙа план буйынса һәм кисектергеһеҙ медицина ярҙамы алырға, профилактик саралар, диспансеризация үтергә, шулай уҡ дарыуҙар алырға мөмкинлек тыуҙы, – ти Район үҙәк дауаханаһының баш табибы Илгиз Килдейәров.

БР Һаулыҡ һаҡлау министрлығының матбуғат хеҙмәте хәбәр итеүенсә, яңы ФАП 397 кешене хеҙмәтләндерәсәк, уларҙың 127-һе – балалар. Пациенттарҙы Лилиә Хисаметдинова ҡабул итәсәк. Ул “Ауыл фельдшеры” программаһы буйынса эш башлаған.

Фельдшер-акушер пункты “Һаулыҡ һаҡлау” милли пректын тормошҡа ашырыу сиктәрендә төҙөлгән.