Эмомали Рахмон - алтынсы тапҡыр президент

1992 йылдан ил менән етәкселек иткән Эмомали Рахмон тағы ете йылға юғары вазифала ҡалды. Биш кандидат араһынан уның өсөн һайлаусыларҙың 90,92 проценты тауыш биргән.

Рәсәй Президенты Владимир Путин Эмомали Рахмонды яңы срокка һайланыуы менән ҡотланы, тип белдерә Кремлдең матбуғат хеҙмәте. “Һайлау һөҙөмтәләре Һеҙҙең юғары сәйәси абруйығыҙҙы, Таджикстандың социаль-иҡтисади үҫешен тәьмин итеү һәм уның халыҡ-ара позицияһын нығытыу буйынса Һеҙ алып барған курсты халыҡтың яҡлауын күрһәтә”, - тиелә телеграммала.