Егеттәргә указ сыҡҡан

Президент Владимир Путин көҙгә хәрби саҡырылыш тураһында указға ҡул ҡуйҙы, тип хәбәр итә Кремлдең матбуғат хеҙмәте. Октябрь – декабрь айҙарында Рәсәй Хәрби көстәренә 18 йәше тулған 128 мең егет саҡырыласаҡ. Былтыр был осорҙа 132 мең кеше армияға киткән, ә унан алдағы йылда – 135 мең.

Армияға саҡырыу бөтә эпидемиологик сараларҙы күҙ уңында отоп ойоштороласаҡ, тип белдерә Генераль штабтың Ойоштороу-мобилизация баш идаралығы начальнигы генерал-полковник Евгений Бурдинский. Хәрби комиссариаттар тейешле күләмдә һаҡланыу саралары менән тәьмин ителгән, ти ул.