Бушлай ғына түгел, сифатлы ла булһын

Рәсәй Мәғариф министры Сергей Кравцов белдереүенсә, мәктәптә туҡланыу сифаты буйынса көн һайын 50-гә яҡын ялыу килә икән. Урындарҙа ла ризаһыҙлыҡ белдереүселәр етәрлек.

Президент Владимир Путин Хөкүмәт кәңәшмәһе барышында был мәсьәләгә айырым туҡталып китте. “Роспотребнадзор етәкселеген тағы бер тапҡыр иҫкәртәм һәм мәктәптәрҙә балаларҙы бушлай ашатыу сифатын даими контролгә алыуҙы талап итәм. Был теманы оноторға ярамай, уны даими эш планына индереү зарур”, - тине ул, тип яҙа “Яңылыҡтар” мәғлүмәт агентлығы.