Уяулыҡты кәметергә түгел

Өфөлә, коронавирус менән ауырыусылар артыу сәбәпле, предприятиеларҙа хәүефһеҙлек сараларын ҡәтғиләштерәсәктәр. Был турала ҡала хакимиәтенең оператив кәңәшмәһендә Өфө вице-мэры вазифаһын башҡарыусы Радмил Мөслимов белдерҙе.

“Хеҙмәткәрҙәрҙә хәлһеҙлек, тымау кеүек тәүге билдәләр беленә икән, уларҙы өйҙән эшләүгә күсерергә йәки больничныйға ебәрергә кәрәк”, – тине ул. Радмил Мөслимов өфөләрҙе һаҡлыҡ сараларын күҙәтеүгә яуаплыраҡ ҡарарға саҡырҙы, шулай уҡ йәмәғәт урындарында битлек кейеүҙең һәм социаль араны һаҡлауҙың мотлаҡ талап булып ҡалыуын билдәләне.