-21 °С
Болотло
Антитеррор
Бөтә яңылыҡтар
Новости
29 Сентябрь 2020, 19:07

Пневмония менән сирләүселәр арта

Башҡортостандың Һаулыҡ һаҡлау министрлығы мәғлүмәттәре буйынса, аҙаҡҡы тәүлектә дауахананан тыш пневмония диагнозы 146 ауырыуҙа раҫланған.

Республикала дауахананан тыш пневмония менән сирләүселәрҙең артыуы табиптарҙы борсоуға һала. Башҡортостандың Һаулыҡ һаҡлау министрлығы мәғлүмәттәре буйынса, аҙаҡҡы тәүлектә был сир 146 ауырыуҙа раҫланған. Кисәле-бөгөнлө 85 кеше унан һауыҡҡан.
29 сентябргә ҡарата республикала коронавирус йоҡтороусыларҙың дөйөм һаны – 8 748. Тәүлек эсендә вирус 40 ауырыуҙа табылған.
Бөгөнгө көндә стационарҙарҙа 56 сырхау коронавирусҡа ҡаршы дауа ала, берәүһенең хәле ауыр. Амбулатор шарттарҙа дауаланыусылар – 561. Республикала коронавирустан һауығыусылар – йәмғеһе 8 092, шуларҙың 13-ө һуңғы тәүлектә дауахананан сыҡҡан.
COVID-19-ҙан барлығы 39 яҡташыбыҙҙың ғүмере өҙөлдө. Аҙаҡҡы тәүлектә унан вафат булыусылар юҡ, тип хәбәр итәләр республиканың Һаулыҡ һаҡлау министрлығынан.
Автор:Альмира Кирәева
Читайте нас в