“Киләсәк фабрикаһы”

“Өфө халҡы “китап” тип атап йөрөткән был бинала нимә генә урынлашманы һәм уға бәйле ниндәй генә ниәтттәр ҡоролмаған. Ә беҙ унда, уйлай белгән һәм бик ижади заман йәштәренә кәрәк булған барыһын берләштереп, ысын киләсәк фабрикаһын булдырырға ҡарар иттек, – тип яҙа социаль селтәрҙәге сәхифәһендә Башҡортостан Башлығы Радий Хәбиров. – Республикалағы тәүге үҫеш өсөн мөмкинлектәр тупланған үҙенсәлекле урында Инновацион йәштәр ижады үҙәге, киберспорт һәм нейротехнология лабораторияһы, студенттар өсөн “Ҡайнау нөктәһе”, ҡул эштәре коворкингы, эшҡыуарҙар өсөн бизнес-инкубатор, коворкинг һәм нетворкинг зоналары бар. Унда тормош ҡайнай. Бында тыуған идеялар беҙҙең республиканы алға әйҙәйәсәк. РS. Ә киләһе йылда “Сколково” инновацион үҙәге менән бергә Өфөнөң Әхмәтзәки Вәлиди урамында IQ-парк асырбыҙ”. Өфө ҡалаһының Тыныслыҡ урамында урынлашҡан “Киләсәк фабрикаһы” инновацион эшҡыуарлыҡ йорто яңы форматта эшләй башланы.#миллипроект #нацпроект #национальныепроектыБашкортостан