Киҙеү урап үтһен өсөн

Башҡортостанда 287 мең кешегә гриптан прививка яһалған. Республикала барлығы 2 миллион тирәһе кешене вакцинациялау күҙаллана. Был турала Хөкүмәттең оператив кәңәшмәһендә һаулыҡ һаҡлау министры Максим Забелин белдерҙе.

1 сентябрҙә Башҡортостан гриптан вакцинаның 516 мең дозанан торған тәүге партияһын алған. Уның 56 проценты файҙаланылған да инде. Республиканың Һаулыҡ һаҡлау министрлығы прививкаларҙың икенсе партияһына заявка биргән.