Йыйылмаға башлыса республикала етештерелгән 19 төр ризыҡ: ярмалар, көнбағыш майы, сәй, печенье, шәкәр, консервалар һалынған. Күстәнәстәрҙе ирекмәндәр өләшеп сығасаҡ. “Аҙыҡ-түлек ярҙамы 2.0” проекты “Беҙ бергә” Бөтә Рәсәй акцияһы сиктәрендә ғәмәлгә ашырыла. Ойоштороусылары булып “Ирекмән-медиктар” хәрәкәте, Бөтә Рәсәй халыҡ фронты, Ирекмәндәр үҙәктәре ассоциацияһы сығыш яһай. Башҡортостанда проект операторы – “Өфө хосписы” коммерция булмаған ойошмаһы. Был изге эш пандемия ваҡытында илдә ойошторолған оло гуманитар акцияның дауамы икәнен билдәләп үтәбеҙ.