Герой исемендәге кластар

Кластар Рәми Ғарипов исемендәге Башҡорт республика гимназия-интернатында, Өфөнөң 44-се һәм 162-се “Смарт” полилингваль күп профилле мәктәптәрендә барлыҡҡа килде. Уларҙа Шайморатовҡа арналған кабинет-музейҙар булдырыласаҡ. Герой исемендәге класта уҡыусылар берҙәм мәктәп формаһында йөрөйәсәк. Мәктәп уҡыусылары ҡаҙаныштары өсөн “Йәш шайморатовсы” билдәһе менән бүләкләнәсәк.

Шайморатов исемендәге кластарға уҡыусылар 2020 йылдың авгусында алынған. Педагогтар өсөн һөнәри тренингтар ойошторола. “Шайморатовсы”лар рәтенә тантаналы бағышлау 11 октябрҙә, Республика көнөндә үтәсәк.

Миңлеғәле Шайморатов исемендәге кластар булдырыу һәм уның эшен ойоштороу менән БР Хөкүмәте вице-премьеры етәкселегендә ведомство-ара координацион төркөм шөғөлләнә.