Елберләһен Рәсәй тыуы!

1991 йылдың тап ошо көнөндә Мәскәүҙә Аҡ йорт өҫтөндә рәсми рәүештә дәүләт символы ураҡ һәм сүкеш һүрәтләнгән ҡыҙыл байраҡты алмаштырған өс төҫтәге Рәсәй флагы күтәрелә. Аҡ — тыныслыҡ, таҙалыҡ, сафлыҡ, камиллыҡ билгеһе; күк — иман һәм ышаныс; ҡыҙыл — көс, ҡеүәт, Тыуған ил өсөн түгелгән ҡан билгеһен аңлата. Был ваҡиғанан һуң өс йыл үткәс, Рәсәй Президенты Дәүләт флагы көнөн байрам итеү тураһында Указға ҡул ҡуя. 26 йыл билдәләнгән байрам тыуған илебеҙгә илһөйәрлек, һөйөү тойғоһон көсәйтә. Дәүләт символы хөкүмәт биналарын биҙәй, беҙҙең спортсылар ҙур еңеүҙәр яулағанда, бейеклектәр артылғанда күтәрелә. Ул илебеҙ, ватандаштарыбыҙ өсөн ғорурлыҡ символы ла.