Кисә лә, бөгөн дә – 35

Һуңғы осорҙа республикала коронавирус йоҡторған яңы ауырыуҙар һаны көн һайын бер кимәлдә. Был турала һаулыҡ һаҡлау министры Максим Забелин: “Аҙаҡҡы өс аҙнала көн дә өҫтәлеп торған ковид менән сирләүселәр 35-36-нан артмай – үҙенсәлекле платола торабыҙ”, – тип билдәләп үтте.

Һуңғы осорҙа республикала коронавирус йоҡторған яңы ауырыуҙар һаны көн һайын бер кимәлдә. Был турала һаулыҡ һаҡлау министры Максим Забелин: “Аҙаҡҡы өс аҙнала көн дә өҫтәлеп торған ковид менән сирләүселәр 35-36-нан артмай – үҙенсәлекле платола торабыҙ”, – тип билдәләп үтте.

Тәүлек эсендә Башҡортостанда коронавирус инфекцияһы тағы ла 35 сырхауҙа табылған. Уның менән ауырыусыларҙың дөйөм һаны – 7 197.

Әлеге мәлдә дауаханаларҙа был шәфҡәтһеҙ сиргә ҡаршы көрәшеүселәр – 253. 21-енең хәле ауыр, дүртәүһе яһалма һулыш аппаратына тоташтырылған, тип хәбәр итә табиптар. 1 196 сырхау амбулатор шарттарҙа дауалана.

Һуңғы тәүлектә 262 кеше дауахананан сыҡҡан. Эпидемия башланғандан бирле ковид-19 вирусын еңеүсе яҡташтарыбыҙ – 5 723.

Республикала коронавирустан өҙөлгән ғүмерҙәр һаны үҙгәрешһеҙ ҡала – 25.

Роспотребнадзорҙың Башҡортостан буйынса идаралығы билдәләүенсә, коронавирус йоҡтороусыларҙың 1 619-ында, йәғни 22, 5 процентында, “дауахананан тыш пневмония” асыҡланған.

Кисәле-бөгөнлө пневмония тағы ла 82 ауырыуҙа табылған, 134 кеше, унан сәләмәтләнеп, дауахананан сыҡҡан.

Автор:Альмира Кирәева

Читайте нас: