Сирҙең еңел, һиҙелмәгән төрҙәре менән сирләүселәр арта

“Сирҙең һиҙелмәгән һәм еңел төрҙәре менән сирләүселәр йәмғеһе 60 процент тирәһе тәшкил итә, – тип хәбәр итте ул Өфө ҡалаһы хакимиәтенең оператив кәңәшмәһендә. – Сырхауҙарҙың 60 процентҡа яҡыны – 40 йәштән 60 йәшкә тиклемге эшләп йөрөүсе кешеләр, 6,1 проценты – пенсионерҙар”.

Һуңғы мәғлүмәттәр буйынса, республикала әле коронавирус йоҡтороусылар барлығы 7 127 иҫәпләнә. Тәүлек эсендә тағы ла 34 ауырыу өҫтәлгән.

Стационарҙарҙа ятыусылар – 306, шуларҙың 28-енең хәле ауыр. 1 392 ауырыу өйөндә дауалана.

Кисәле-бөгөнлө 20 кеше дауахананан сыҡҡан. Сәләмәтләнеүселәрҙең дөйөм һаны – 5 404.

Эпидемия башланғандан алып мәкерле вирус 25 кешенең ғүмерен өҙгән. Аҙаҡҡы тәүлектә унан вафат булыусылар юҡ.

Һуңғы тәүлектә 78 ауырыуға “дауахананан тыш пневмония” диагнозы ҡуйылған, 156 кеше был сирҙән һауыҡҡан.