Талпан әүҙемләшә

Башҡортостанда талпан ҡаҙалыу осрағы былтырғы ошо ваҡыт менән сағыштырғанда 3,7 процентҡа күберәк, тип белдерә Роспотребнадзор идаралығы.

Башҡортостанда талпан ҡаҙалыу осрағы былтырғы ошо ваҡыт менән сағыштырғанда 3,7 процентҡа күберәк, тип белдерә Роспотребнадзор идаралығы.

Әлеге көнгә ҡарата, медицина учреждениеларына таплан ҡаҙалыуға бәйле 9064 кеше мөрәжәғәт иткән. Улар араһында 3 455 бала ла бар. Былтыр иһә был күрһәткес 8 732 булған. Белеүебеҙсә, был ҡан эскес бөжәк энцефалит и боррелиоз ауырыуҙарын таратыусы булып тора.

Әгәр талпан ҡаҙалһа, уның инфекция таратыусы булыу-булмауын тикшереү өсөн лабораторияға мөрәжәғәт итергә кәрәк. Адрестарын ошо һылтанма буйынса Роспотребнадзор сайтында табыр мөмкин http://02.rospotrebnadzor.ru/content/173/34335/ .

Автор:Рәсүл Байгилдин

Читайте нас: