Дуҫлыҡ монументында ер аҫты үткәүеле асылды

Йәйәүлеләр үткәүеле 1978 йылда асылған. Бер нисә йыл файҙаланғандан һуң авариялы хәлендә булыуына бәйле ул ябылған. Реконструкциялау эштәре 2019 йылдың яҙында башланды.

Хәҙер үткәүел яр буйын Салауат Юлаев баҡсаһы менән тоташтыра, уның оҙонлоғо – 142 метр.

Подряд төҙөлөш ойошмаһы хеҙмәткәрҙәре инженерлыҡ коммуникациялары үткәрҙе, монолит эштәрен башҡарҙы.

«Бынан тыш, ер аҫты үткәүеле 13 видеокамера, яҡтыртыу ҡорамалдары һәм һаулыҡ мөмкинлектәре сикле граждандар өсөн күтәрелмәле платформа менән йыһазландырылды», — тип билдәләнеләр Өфө мэрияһының матбуғат хеҙмәтендә.