Шерлок Холмсҡа – 85

Кисә киноактер, режиссер, сценарист Василий Ливановҡа 85 йәш тулды. Ул 1935 йылдың 19 июлендә Мәскәүҙә актерҙар ғаиләһендә тыуған. “Миңә ун туғыҙ йәш ине” (1967), “Уйынсы” (1972), “Сағыу бәхет йондоҙо” (1975), “Ярославна, Франция королеваһы” (1978), “Ай йәйғоро” (1983), “Карик и Валиның ғәжәйеп мажаралары” (1987), “Дон Кихот кире ҡайта” (1997) һәм башҡа фильмдарҙа уйнай.

Рәсәй Президенты Владимир Путин һәм Премьер-министр Михаил Мишустин билдәле актерҙы оло юбилейы менән ҡотланы, тип хәбәр итә Кремлдең матбуғат хеҙмәте.