Президент Владимир Путиндың ҡушыуы буйынса мәғлүмәт технологиялары өлкәһе өсөн һалымды кәметеү буйынса закондарға төҙәтмәләр әҙерләнә, тип хәбәр итәләр Рәсәй Финанс министрлығынан.
Проектҡа ярашлы, IT-компаниялар өсөн страховкалау ставкаһының ташламалы тарифын 14 проценттан 7,6-ға тиклем кәметеү ҡарала. Шулай уҡ уларға табышҡа һалым 3 процент кимәлендә билдәләнә. Хәҙер ул – 20 процент.
Ошондай уҡ страховкалау ставкаһы һәм һалым буйынса ташламалар электрон компонент базаһы һәм электрон продукция проектлау һәм уйлап табыу буйынса эшләгән ойошмаларға ла ҡарала.