Лагерҙарҙы асыу кисектерелә

Кисә республика Хөкүмәтендәге оператив кәңәшмәлә Башҡортостан Башлығы Радий Хәбиров, коронавирусҡа бәйле хәл бер килеш тотороҡло ҡала, ләкин яҡшыға үҙгәрмәй әле, тип белдерҙе.

Ошоға бәйле республикала әлегә мәктәп һәм балалар лагерҙары, шулай уҡ балалар баҡсалары 15 июлгә тиклем асылмай. Ыңғай йә кире ҡарар ҡабул итеү хәлдәрҙең артабанғы үҫешенә бәйле буласаҡ, тине Радий Фәрит улы. Шуны ла өҫтәргә кәрәк: республика битлек режимы үҙ көсөндә ҡала.