Вирус китер көн ҡасан етер?

Башҡортостан Һаулыҡ һаҡлау министрлығы мәғлүмәттәре буйынса, 29 июнгә ҡарата республикала коронавирус йоҡтороусылар, дөйөм алғанда, 5 315 иҫәпләнә. Һуңғы тәүлектә вирус йәнә 48 кешелә асыҡланған.

COVID-19-ҙан амбулатор шарттарҙа 1 734 ауырыу дауаланһа, стационарҙарҙа 693 сирле ята. Шуларҙың 32-һе ауыр хәлдә. Тәүлек эсендә был сирҙән 17 кеше һауыҡҡан. Коронавирусты еңеүгә өлгәшкән яҡташтарыбыҙ барлығы – 2 870.

Һуңғы тәүлектә үпкәләре ялҡынһынған 75 ауырыуҙы дауаханаға һалғандар. Улар бөтәһе лә COVID-19-ға анализ биргән. Кисәле-бөгөнлө 17 кеше пневмониянан сәләмәтләнеп, дауахананан сыҡҡан.