Өҫтәлгә – ризыҡ, йәнгә – дауа

Ошо көндәрҙә республиканың Дәүләт Йыйылышы – Ҡоролтайы «Башҡортостанда граждандарҙың үҙ ихтыяждары өсөн баҡсасылыҡ алып барыуы тураһында» закон ҡабул итте. Уға ярашлы баҡсасыларға республика яғынан ҡайһы бер ярҙам саралары ҡаралған. Атап әйткәндә, яңы законда баҡсасылыҡ ширҡәттәрен йылылыҡ, электр энергияһы, һыу, газ, ҡаты яғыулыҡ менән тәьмин итеүҙе ойоштороу, һыу бүлеү, комплекслы кадастр эштәрен финанслау кеүек сараларҙы ғәмәлгә ашырғанда башҡарма власть органдары яғынан ярҙам тураһында әйтелә.

Башҡортостанда 500 меңдән ашыу баҡсасы ғаилә иҫәпләнә, был бөтә халыҡтың 40 проценты самаһына тигеҙ.