Яһиллығы кәмеһә лә, бирешмәй

Коронавирус яһиллығын кәметһә лә, һаман еңелергә теләмәй. Тәүлек эсендә инфекция республикала тағы ла 50 кешелә табылған.

Коронавирус яһиллығын кәметһә лә, һаман еңелергә теләмәй. Тәүлек эсендә инфекция республикала тағы ла 50 кешелә табылған. 26 июнгә ҡарата Башҡортостанда COVID-19-ҙы йоҡтороусылар, дөйөм алғанда, 5 171 булып киткән.

Эпидемия башланғандан алып 2 783 ауырыу был сирҙән һауыҡҡан. Әлеге мәлдә 2 370 яҡташыбыҙ COVID-19-ға ҡаршы дауа ала.

Коронавирустан бер нисә аҙна вафат булыусылар юҡ, уның ҡорбандары һаны 20 майҙан бирле үҙгәрешһеҙ ҡала – 18.

Рәсәйҙә һуңғы тәүлектә COVID-19 6 800 кешегә йоҡҡан. Асыҡланған ауырыуҙарҙың дөйөм һаны – 620 794. Илдә был шәфҡәтһеҙ вирустан барлығы 8 781 сырхау вафат булған, 176 сирле аҙаҡҡы тәүлектә донъя ҡуйған.

Коронавирусты еңеп, ил буйынса кисәле-бөгөнлө дауаханаларҙан 8 988 кеше сыҡҡан. Рәсәйҙә COVID-19 инфекцияһынан ҡотолоусылар йәмғеһе 384 152-гә еткән.

Автор:Альмира Кирәева

Читайте нас: