Тауыш биреү участкаларында 35 мең күҙәтеүсе эшләй

Өфөлә генә участкаларҙа 4200 күҙәтеүсе буласаҡ. Ольга Панчихина әйтеүенсә, уларҙың күп өлөшөн фирҡәләр тәҡдим иткән, ҡалғандары йәмәғәт ойошмалары һәм үҙ-үҙен тәҡдим итеүселәр рәтенән. Республикала элекке һайлауҙарҙа 20 мең күҙәтеүсе эшләһә, был юлы уларҙың һаны шаҡтай юғары.

Һәр бер участкала 5 күҙәтеүсе булырға тейеш. Күҙәтеүселәр сафын тулыландырыу өсөн ваҡыт бар, ғаризалар 29 июнгә тиклем ҡабул ителә. Әле ошо эшкә 22 йәмәғәт ойошмаһы һәм 5 сәйәси фирҡә ҡушылған.

Матбуғат конференцияһында хәүефһеҙлек саралары хаҡында ла һүҙ булды. Ольга Панчихина билдәләүенсә, һаҡланыу саралары тауыш бирергә килеүселәргә лә, участкаларҙа эшләгән хеҙмәткәрҙәргә лә ҡаралған.