Тауыш биреү өсөн илдә 96 меңдән ашыу участка асыла

Бөгөн Рәсәйҙә Конституцияға өҫтәлмәләр буйынса тауыш биреүҙәр башланды.

Ә Мәскәү һәм Түбәнге Новгород өлкәһе халҡы өсөн уның электрон һәм дистацион варианттары асыҡ.

Тауыш биреүҙәр 1 июлгә тәғәйенләнһә лә ил халҡы уны 25 июндән, йәғни бөгөнгө көндән башлай ала.

Рәсәй Үҙәк һайлау комиссияһы секретары Майя Гришина билдәләүенсә, бының өсөн ғариза яҙыу кәрәкмәй, ә һайлау участкаһына хәбәр итеү йә дистацион тауыш биреү ҙә етә.

Рәсәйҙең Үҙәк һайлау комиссияһы мәғлүмәттәре буйынса, тауыш биреү өсөн ил биләмәләрендә 96 меңдән ашыу участка асыласаҡ.