Көсө кәмеһә лә, бирешкеһе килмәй

Коронавирус, көндән-көн ғәйрәтен кәметһә лә, еңелергә теләмәй. Тәүлек эсендә республикала ул 52 кешелә асыҡланған. 23 июнгә ҡарата Башҡортостанда коронавирус менән сирләүселәрҙең дөйөм һаны биш меңдән артып китте, аныҡлап әйтһәк, – 5011.

Аҙаҡҡы тәүлектә 97 яҡташыбыҙ дауахананан сыҡҡан. Сәләмәтләнеүселәр йәмғеһе – 2 482. Коронавирустан вафат булыусылар һаны элеккесә үҙгәрешһеҙ ҡала – 18.

Рәсәйҙә һуңғы тәүлектә COVID-19-ҙы эләктергән 7 425 сырхау табылған, 153 ауырыу донъя ҡуйған, 12 013 кеше һауыҡҡан.

Дөйөм алғанда, бөгөнгө көнгә ҡарата ил буйынса коронавирус йоҡтороуҙың 599 705 осрағы теркәлгән. Унан сәләмәтләнеүселәр барлығы – 356 429, вафат булыусылар – 8 359.