Сирҙең зәһәрлеге кәмейме?

Һуңғы мәғлүмәттәр буйынса, республикабыҙҙа һуңғы тәүлектә 62 кешелә коронавирус табылған. 19 июнгә ҡарата уны йоҡтороусыларҙың дөйөм һаны – 4 792.

Әлеге мәлдә 1 737 ауырыу өйҙәрендә коронавирусҡа ҡаршы дауа ала, 770-е ковид-госпиталдәрҙә ята. Табиптар шуларҙың 38-енең хәле ауыр икәнен билдәләй, 13-ө яһалма һулыш аппараты ярҙамында тын ала.

Тәүлек эсендә 85 яҡташыбыҙ, COVID-19-ҙан ҡотолоп, дауахананан сыҡҡан. Эпидемия башланғандан алып унан һауығыусылар – 2 267.

Республикала был зәһәр сир ҡорбандары һаны 20 майҙан бирле үҙгәрешһеҙ ҡала – 18.