Башҡорт телендә лә тауыш бирергә мөмкин

Үҙәк һайлау комиссияһы барлығы 3 миллиондан ашыу бюллетень әҙерләй. Бланктар ”Белая река” нәшриәтендә баҫыла. Ә район-ҡалалар өсөн 230 һайлау бюллетендәрен эшкәртеү комплексы урынлаштырыласаҡ. Бюллетендә ни бары бер һорау, яуаптың ике варианты буласаҡ. Тауыш биреүселәр "эйе" йәки "юҡ" тип яуап бирергә тейеш. Сараны ойоштороу һәм уның үҙенсәлектәре хаҡында журналистарға республиканың Үҙәк һайлау комиссияһы секретаре Марина Долматова һөйләне.

Билдәле булыуынса, ил Конституцияһына үҙгәрештәр индереү буйынса Бөтә Рәсәй тауыш биреүҙәр көнө 1 июлгә тәғәйенләнгән. Кешеләрҙең хәүефһеҙлеге тәү сиратта иғтибарға алынасаҡ. Уға бәйле, тауыш биреүҙәрҙе бер аҙнаға алдан башларға ла мөмкин.