Дүрт меңдән арттылар...

8 июнгә ҡарата Башҡортостанда коронавирус йоҡтороусыларҙың дөйөм һаны 4017 иҫәпләнә. Тәүлек эсендә ауырыуҙар 89-ға артҡан.

Сирлеләрҙең 1460-ы табип тәғәйенләгән дарыуҙарҙы өйҙәрендә ҡабул итә. 1086 сырхау стационарҙарҙа дауалана, 41-е – ауыр хәлдә.

Был ауырыуҙы йоҡтороусыларҙың, дөйөм алғанда, 1453-ө сәләмәтләнгән, 16-һы уҙған тәүлектә дауахананан сыҡҡан.

Республикала COVID-19-ҙан вафат булыусылар һаны шул килеш ҡала (18), һуңғы тәүлектә үлем осраҡтары юҡ.

Башҡортостандың һаулыҡ һаҡлау министры Максим Забелин әйтеүенсә, республикала һәр 100 мең кешегә COVID-19 менән сирләүсе 92 ауырыу тура килә.