Вирустың һаман да китергә уйы юҡ

Коронавирус һаман да китергә йыйынмай: Башҡортостанда һуңғы тәүлектә ул 77 кешелә асыҡланған. 1 июнгә ҡарата республикала COVID-19 вирусын йоҡтороусыларҙың дөйөм һаны 3337-гә етте.

Коронавирус һаман да китергә йыйынмай: Башҡортостанда һуңғы тәүлектә ул 77 кешелә асыҡланған. 1 июнгә ҡарата республикала COVID-19 вирусын йоҡтороусыларҙың дөйөм һаны 3337-гә етте.

Һаулыҡ һаҡлау министры Максим Забелин әйтеүенсә, сирләүселәрҙең иң күбе – 50 йәшкә тиклемгеләр, өстән бер өлөшө – 50 йәштән 60 йәшкә ҡәҙәргеләр, 22 проценты – 60-ты үткәндәр.

Дауаханаларҙа әле 958 ауырыу ята. Ауыр хәлдәгеләр – 36, шуларҙың туғыҙы – яһалма һулыш аппаратында.

Сирҙе еңел кисереүсе 1223 сырхау кәрәкле дауаны амбулатор шарттарҙа ала. 600 кеше обсервацияла.

Коронавирус инфекцияһын еңеүселәр барлығы – 1138.

Республикала COVID-19 ҡорбандарының дөйөм һаны элеккесә ҡала – 18.

Бөгөнгө көнгә Башҡортостанда йәмғеһе 247 826 анализ яһалған, 235 651 кеше тикшерелгән. Тәүлек эсендә 4748 анализ уҙғарылған, 4629 кеше тикшереү үткән.

Автор:Альмира Кирәева

Читайте нас: