Бөгөн “Беҙ балалар хаҡына бергә” хәйриә марафоны үтә

Дмитрий Хворостовский исемендәге хәйриә фонды дауалауға мохтаж балаларға ярҙам ҡулы һуҙа. 7 йыл эшләп килә. Проектың ғәмәлдәге осоронда бөтәһе 70 миллион һумдан ашыу суммаға ярҙам күрһәтелгән. Ярҙамды Рәсәйҙең төрлө төбәктәренән «Русфонд» аша 200-ҙән ашыу ауырыу бала алған.

Телемарафонда иһә билдәле опера һәм эстрада йондоҙҙары ҡатнаша: БР-ның Халыҡ артисы Асҡар Абдразаков; Башҡортостандың һәм Татарстандың Халыҡ артисы, Башҡортостандың Халыҡтар дуҫлығы ордены кавалеры, “Алтын битлек” милли театр премияһы лауреаты, “Грэмми” премияһына ике тапҡыр эйә булған Илдар Абдразаков; “Ковент-Гарден” Король операһы солисы Айгөл Әхмәтшина; РФ-ның атҡаҙанған артисы Иван Васильев; БР-ның атҡаҙанған артисы Артур Нәзиуллин; “Премьер” төркөмө, “Тауыш” шоуында ҡатнашыусылар Рушана Вәлиева һәм Наҙгөл Отузова; опера йырсыһы, Ҙур театр солисы Анна Аглатова; Станиславский һәм Немирович-Данченко исемендәге Мәскәү музыка театры солисы, Абхазияның һәм Рәсәйҙең халыҡ артисы Хибла Герзмава; СССР-ҙың һәм Украинаның халыҡ артисы, “ЮНЕСКО-ның донъя артисы”, “Ватан алдында хеҙмәттәре өсөн” орденының тулы кавалеры Владимир Спиваков; Рәсәйҙең халыҡ артисы, “Бөтәһенән дә шәп” шоуында ҡатнашыусы Роман Мөслимов һәм Дмитрий Крюков етәкселегендә Башҡортостан Республикаһы Милли симфоник оркестры.

Беҙ бергәләп төрлө ауырыуһарға дусар балаларға ярҙам итә алабыҙ:

Был изге эшкә һәр кем ҡушыла ала, бары тик 3434 номерына ярҙам суммаһын ебәреү шарт. Телемарафон Башҡортостан юлдаш телевидениеһында 1 июндә 19.00 сәғәттә башлана.