-14 °С
Болотло
Антитеррор
Бөтә яңылыҡтар
Новости
29 Май 2020, 17:10

Грант – ауыл мәҙәниәт йортон йүнәтеүгә

Иглин районы Көҙөй ауылында мәҙәниәт йортон йүнәтәләр. Бының өсөн “Мәҙәниәт” милли проектының “Мәҙәни мөхит” төбәк проектынан алынған грант аҡсаһын тотоналар. Ул 13 миллион һум тәшкил итә.

Иглин районы Көҙөй ауылында мәҙәниәт йортон йүнәтәләр. Бының өсөн “Мәҙәниәт” милли проектының “Мәҙәни мөхит” төбәк проектынан алынған грант аҡсаһын тотоналар. Ул 13 миллион һум тәшкил итә.
Бинала капиталь ремонт март уртаһында башланған. Объектты тапшырыу ваҡыты – июнь уртаһы. Подрядсылар («Проектстрой» ЯСЙ) әйтеүенсә, йүнәтеү эштәре 70 процентҡа башҡарылған.
Ауыл мәҙәниәт йорто бинаһы йылытылған, унда электр, канализация, һыу үткәреү системалары тулыһынса яңынан үткәрелгән, тәҙрәләр алмаштырылған, иҙәндәр нығытылған, ҡыйығы ябылған. Әле биҙәү эштәре бара. Диуарҙар буяла, түбә монтажлана. Тамашасылар залында сәхнәне лә яңынан эшләйҙәр, һуңыраҡ яңыса яҡтыртыу, шаршау, тауыш ҡорамалдары, уңайлы кәнәфиҙәр ҡуйыласаҡ. Ижади коллективтар артистары өсөн сәхнә костюмдары тегелә. Шулай уҡ түңәрәктәр үткәреү, балалар өсөн уйын бүлмәһе, бейеү залы ла тулыһынса йүнәлтеләсәк һәм йыһазландырыласаҡ.
Мәҙәниәт йортоноң үҙенсәлеге – бинаның фойеһында, тәүге ҡатта балсыҡтан әүәләнгән биҙәк ҡуйылған. Ремонт барышында ул һаҡланасаҡ, реставрация яһап, буяласаҡ.
Фото Иглин районы хакимиәте сайтынан алынды.
Автор:Гөлшат Ҡунафина
Читайте нас в