Республикала эшҡыуарлыҡ аҙналығы башлана

Башҡортостанда аҙна башынан, 26 - 29 майҙа эшҡыуарлыҡ аҙналығы үтә. Уның ойоштороусылары Рәсәйҙең иҡтисади үҫеш министрлығы һәм Республика хөкүмәте.

26 майҙа Башҡортостан башлығы Радий Хәбиров форумды асасаҡ һәм ҡатнашыусыларҙы Рәсәйҙең эшҡыуарлыҡ көнө менән ҡотлаясаҡ.

Сара 10 сәғәттә башлана. Йылдағыса онлайн-форматта Бөтә Рәсәй конференцияһы, онлайн- бизнес ойоштороу буйынса мастер- класстар, шулай уҡ уңышлы эшҡыуарҙарҙың сығышы көтөлә.

Спикерҙар булып бөгөн билдәле булып киткән Яндекс, OZON, AliExpress кеүек бизнес компанияларҙың топ-менеджерҙары сығыш яһай. Сараның программаһы республиканың эшҡыуарлыҡ буйынса дәүләт комитеты сайтында : https://biznestur.bashkortostan.ru/ бар, ул YouTube платформаһында онлайн форматта уҙғарыла.

Теркәлеү өсөн һылтанма: http://forum102.ru/