Ишембайҙа ҡеүәтле төҙөлөш бара

Торлаҡ- коммуналь хужалығын реформалауға булышлыҡ итеү фонды - дәүләт корпорацияһы идаралығының ҡарары менән, Ишембайҙа канализация-таҙартыу ҡоролмаларын ҡайтанан төҙөкләндереү буйынса эштәрҙе башлау 2019 йылдың август айында уҡ хупланған. Проекттың хаҡы - 307,2 миллион һум.

Торлаҡ- коммуналь хужалығын реформалауға булышлыҡ итеү фонды - дәүләт корпорацияһы идаралығының ҡарары менән, Ишембайҙа канализация-таҙартыу ҡоролмаларын ҡайтанан төҙөкләндереү буйынса эштәрҙе башлау 2019 йылдың август айында уҡ хупланған. Проекттың хаҡы - 307,2 миллион һум.

Фонд аҡсалары дөйөм хаҡтың 60 процентын тәшкил итә. Был иһә - 184 миллион һум.

-Проект бик ҡеүәтле. Уны Фондтың ярҙамынан тыш үҙаллы йырып сығыу бик ауырға төшөр ине. Беҙҙең төп бурыс- кешеләргә йәшәү өсөн уңайлы шарттар тыуҙырыу. Фонд ярҙамы менән барыһы ла килеп сығыр тип ышанам. Бөтә эштәр ҙә графикка ярашлы бара, бөгөн уның аныҡ һөҙөмтәләрен күрергә мөмкин, - тине Башҡортостан хөкүмәте вице-премьеры, республиканың торлаҡ-коммуналь министры Борис Беляев эштәр менән танышыу барышында.

Төҙөлөш объектында инженер селтәрҙәренән алып бөтә ҡоролмалар ҙа алмаштырыласаҡ. Эштәр яңы технологиялар буйынса алып барыла. Төҙөлөш-монтаж эштәре былтыр декабрь айында башланған, уны тамамлау 2021 йылға тәғәйенләнгән.

Автор:Гөлнур Ишбулатова

Читайте нас: