Коронавирус хаҡында – һандарҙа

Сир раҫланған осраҡтар, шулай итеп, йәмғеһе 2247-гә етте.

Ауырыуҙарҙың күбеһе – 864-е – ауырыуҙы еңел кисерә һәм амбулатор дауалана. 652-һе дауаханаларҙа ята. 166-һының хәле ҡәнәғәтләнерлек, 450-һенең – уртаса ауырлыҡта, 36-һының – ауыр (шуларҙың унауһы – яһалма һулыш аппаратында).

Һуңғы тәүлектә 45 кеше дауахананан сыҡҡан. Һауығыусылар бөтәһе – 714. “Был – коронавирус диагнозы ҡуйылған бөтә ауырыуҙарҙың өстән бер өлөшө”, – тип билдәләне бөгөнгө брифингта һаулыҡ һаҡлау министры Максим Забелин.

Һуңғы тәүлектә COVID-19-ҙан үлеү осраҡтары юҡ. Үкенескә күрә, вирус төбәгебеҙҙә барлығы 17 ауырыуҙың ғүмерен өҙҙө.

Эпидемия башланғандан алып Рәсәйҙә коронавирусты 299 941 кеше йоҡторған, сәләмәтләнеүселәр – 76 130. Тәүлек эсендә илдә был ҡаты ауырыуҙан 115 кеше вафат булған, унан донъя ҡуйыусыларҙың дөйөм һаны – 2837.