Әлегә тиклем конкурста ҡатнашып грант алыусылар араһында республиканың 8 муниципалитеты бар. Уларҙың өсөһө (Бөрө, Ишембай, Бәләбәй ҡалалары) 2019 йылда еңеүсе булһа, бишәүһе (Мәләүез, Яңауыл, Дүртөйлө, Ағиҙел ҡалалары, Николо-Березовка ауылы) 2020 йылда еңеү яулаған.
Иң яҡшы уңайлы ҡала мөхите булдырыу проекттары конкурсында быйыл еңгән биш проект буйынса әле проект-смета документтары әҙерләүгә килешеүҙәр төҙөлгән, июндә төҙөлөш-монтаж эштәре буйынса муниципаль контракттар төҙөүгә конкурс үткәреү планлаштырыла. Объекттарҙы тапшырыу ваҡыты – 2020 йылдың 30 декабре.