+18 °С
Дождь
Новости
7 Мая 2020, 21:02
“Йөрәктәр йылъяҙмаһы”
Бөйөк Ватан һуғышында Еңеүҙең 75 йыллығына арналған байрам сараларын үткәреү маҡсатында Рәсәй мәҙәниәт министрлығы “Яндекс” компанияһы, Рәсәй ветерандар союзы, “Үлемһеҙ полк” Дөйөм Рәсәй йәмәғәт хәрәкәте менән берлектә “Уҡыусылар өсөн мәҙәниәт” ведомство-ара проекты сиктәрендә “Йөрәктәр йылъяҙмаһы” Бөтә Рәсәй акцияһын ойоштора.
Бөйөк Ватан һуғышында Еңеүҙең 75 йыллығына арналған байрам сараларын үткәреү маҡсатында Рәсәй мәҙәниәт министрлығы “Яндекс” компанияһы, Рәсәй ветерандар союзы, “Үлемһеҙ полк” Дөйөм Рәсәй йәмәғәт хәрәкәте менән берлектә “Уҡыусылар өсөн мәҙәниәт” ведомство-ара проекты сиктәрендә “Йөрәктәр йылъяҙмаһы” Бөтә Рәсәй акцияһын ойоштора.
Акцияла Бөтә Рәсәйҙән 1 – 11 синыф уҡыусылары ҡатнаша. Улар Бөйөк Ватан һуғышы ветерандарын ҡотлап, данлыҡлы олатай-өләсәйҙәре иҫтәлегенә арнап һуғыш тураһында шиғыр уҡый. Уны видеоға төшөрөп, 8 майға тиклем letopisserdec@yandex.ru адресына ебәрергә кәрәк.
Видеоның оҙонлоғо – 15 секундтан алып 5 минутҡа тиклем. Видеоны төшөргәндә исем-фамилияны, класты, ҡаланы, шиғыр арналған кешенең исемен, шиғырҙың авторын һәм атамаһын күрһәтергә кәрәк. Бөйөк Ватан һуғышында ҡатнашҡан туғанығыҙҙың фотоһын да ҡулланырға мөмкин. Хатты ебәргәндә уҡыусының фамилияһын, исемен, йәшәгән ерен, шиғырҙың авторын һәм атамаһын яҙырға кәрәк.
Видеоларҙы шулай уҡ #летописьсердец, #культурныймарафон, #культуровень хештегтары менән социаль селтәргә ҡуйырға ла мөмкин. Бөтә видеороликтар ҙа 9 майҙа «Яндекс.Эфир»ҙа күрһәтеләсәк.
