Бөгөн кис, ҡояш байығас, изге Рамаҙан айы башланды

Иң тәү сиратта, ураҙа тотоу нәфсене еңергә өйрәтә, ул – тәнде лә, йәнде ла таҙарта, дауалай. Ураҙаны аҡылы теүәл, тәне һау-сәләмәт булған бөтә мосолмандарға ла тотоу лазым. Ниндәйҙер сәбәп менән берәй көн ураҙаны ҡалдырырға тура килһә, был көн өсөн һуңынан тотоп ҡуйырға мөмкин.

Ураҙа тотҡан әҙәм балаһы­ның күңеле йомшара, ул мохтаж­дарға, сирлеләргә ҡарата иғти­барлыраҡ, мәрхәмәтлерәк була башлай. Көндө ризыҡһыҙ үткәр­гән кеше шулай уҡ һаулыҡтың, ваҡыттың, ғүмерҙең ҡәҙерен белергә өйрәнә, Аллаһ Тәғәлә тарафынан булдырылған тормош­тоң асылына, мәғәнәһенә нығы­раҡ төшөнә.

Ныҡ өлкән йәш­тәге­ләргә, ашҡаҙан-эсәк юлы, шәкәр диабеты һәм башҡа сирҙәр арҡаһында һау­лы­ғы мөмкинлек бир­мәй икән, ураҙа тотмаҫҡа рөхсәт ителә. Уның урынына фидиә саҙа­ҡаһы бирә алалар. Был аҡсаны мәсеткә һа­лырға, етем, ауырыу йәки матди хәле насар ғаиләлә тәр­биәләнгән бала өсөн тапшырырға мөмкин. Ризыҡлата биреү ҙә рөхсәт ителә.

Кеше, үҙ хәлен белә тороп та, табиптың ҡаршы тө­шөүенә ҡолаҡ һал­ма­йынса асығып йө­рөй, һөҙөмтәлә ауырыуы көсәйә йә организмына башҡа төрлө зарар килә икән, уның ура­ҙа­һының сауабы булмай. Быны диндар­лыҡ түгел, ә Хоҙай күр­һәткән юлдан сит­кә тайпылыу тип аңларға кәрәк.

Рамаҙан айы матур байрам – Ураҙа ғәйете менән тамамлана.

Рамаҙан айы мөбәрәк булһын, ҡәрҙәштәр!

Интернет сығанаҡтары файҙаланып әҙерләнде.