Һәр хеҙмәткәргә 12 130 һум иҫәбенән ярҙам

Рәсәй Президенты Владимир Путин кисә Хөкүмәт менән ситтән тороп кәңәшмә үткәрҙе. Көн тәрбитенә сығарылған мәсьәләләр буйынса һөйләшеүҙе башлар алдынан ул COVID-19 коронавирусы таралыуға бәйле эшҡыуарлыҡ өлкәһенә һәм төбәктәргә өҫтәмә ярҙам саралары индерелеүе тураһында иғлан итте.

Рәсәй Президенты Владимир Путин кисә Хөкүмәт менән ситтән тороп кәңәшмә үткәрҙе. Көн тәрбитенә сығарылған мәсьәләләр буйынса һөйләшеүҙе башлар алдынан ул COVID-19 коронавирусы таралыуға бәйле эшҡыуарлыҡ өлкәһенә һәм төбәктәргә өҫтәмә ярҙам саралары индерелеүе тураһында иғлан итте.

Бына улар:

- коронавирус инфекцияһы таралыуға бәйле зыян күргән тармаҡтар исемлегенә аҙыҡ-түлек булмаған тауарҙар һатыусы сауҙа ойошмаларын да индерергә;

- бәләкәй һәм урта предприятиеларға кире ҡайтарып бирелмәй торған аҡсалата дәүләт ярҙамы күрһәтергә. Уны башҡа сығымдарҙан тыш, апрель – май айҙарында эш хаҡы түләү өсөн дә тотонорға мөмкин;

- эш хаҡы түләү өсөн алған кредиттарҙың 78 процентына Тышҡы иҡтисад банкы (ВЭБ) гарантияһы бирергә;

- бәләкәй һәм урта эшҡыуарлыҡ компанияларына һәр хеҙмәткәргә 12 130 һум иҫәбенән кире ҡайтарылмай торған тура ярҙам бүлергә. Берҙән-бер шарт – эш урындарының 90 проценты һаҡланырға тейеш;

- һауа бәйләнештәре компанияларына (авикомпаниялар) ярҙам йөҙөнән 23 млрд. һум бүлергә;

- төбәк бюджеттары тотороҡлоғон тәмьин итеү өсөн урындарға 200 млрд. һум аҡса бүлергә һәм башҡалар.

Автор:Рәсүл Байгилдин

Читайте нас: