Кисә, 8 апрелдә, Өфөнөң Ашығыс медицина ярҙамы дауаханаһын коронавирусҡа шик тыуған пациент табылыу арҡаһында йыуып таҙартыу өсөн япҡандар.
Был ауырыуҙы, тейешле инструкцияларға ярашлы, йоғошло сирҙәр стационарына күсергәндәр. Ҡалған пациенттар Өфөнөң башҡа медицина ойошмаларына ебәрелгән. Дезинфекциялап таҙартыу тамамланғас та дауахана үҙ эшен дауам итәсәк. Был турала уның баш табибы Ирина Карамова үҙенең социаль селтәрендә яҙып сыҡты.