Ҡасан эшкә?

Рәсәй ҡулланыусылар хоҡуҡтарын күҙәтеү хеҙмәте етәксеһе Анна Попова, илдәге карантинды тағы бер аҙнаға һуҙырға кәрәк, тип иҫәпләй. Был иһә вирустың таралыуына ҡаршы индерелгән етди сара, ти ул. Белгестәр билдәләүенсә, 14 көн эсендә уны йоҡтороу иҡтималлығы бик юғары булып ҡала.

Президент Владимир Путин халыҡҡа телемөрәжәғәтендә 30 марттан 5 апрелгә тиклем илдә ял иғлан иткәйне.

Бер нисә көндән башҡа төбәктәр өлгөһөндә Башҡортостан да тулыһынса үҙ-үҙен ҡурсалау көндәре иғлан итте. Бөгөн урамда йөрөгән кешеләр иҫәбе юҡ кимәлендә. Республикала әле коронавирус йоҡтороуҙың 8 осрағы теркәлгән.

Фото "Башинформ" мәғлүмәт агентлығынан алынды.