Афәт тиҙерәк сигенһен!

Бөгөнгө брифингта Башҡортостандың һаулыҡ һаҡлау министры Максим Забелин коронавирус менән сирләүсе тағы берәүҙең һауығыуы хаҡында әйтеп үтте.

Бөгөнгө брифингта Башҡортостандың һаулыҡ һаҡлау министры Максим Забелин коронавирус менән сирләүсе тағы берәүҙең һауығыуы хаҡында әйтеп үтте.

Ике көн элек, 31 мартта, был сирҙән ҡотолған тәүге кеше – Дүртөйлө ҡыҙы дауахананан сыҡҡайны. Әммә шәфҡәтһеҙ сир тағы икәүгә йоҡҡан. Дауаханала бөгөн һигеҙ ауырыу ҡала, хәлдәре тотороҡло.

Министр белдереүенсә, әле республика дауаханаларында 106 кешелә, шул иҫәптән 14 балала коронавирус булыу-булмауы тикшерелә. COVID-19 вирусына йәмғеһе 5816 анализ яһалған.

Рәсәйҙә тәүлек эсендә ауырыуҙар 771-гә артҡан, улар һаны 3,5 меңдән ашып киткән. Ер йөҙөндәге барса кешеләрҙе бөгөн сикһеҙ ҙур теләк берләштерә: афәт артабан таралмаһын, тиҙерәк сигенһен!

Автор:Альмира Кирәева

Читайте нас: