Иммунитетың көсһөҙ икән, әлегә өйҙә ултыр

Башҡортостан Башлығының коронавирус таралыу хәүефе менән бәйле “Юғары әҙерлек” режимы хаҡындағы Указына үҙгәрештәр индерелде. Уларға ярашлы, сит илдән ҡайтыусыларҙан һәм 65 йәштән өлкәндәрҙән тыш, ҡан әйләнеше системаһы, эндокрин, бәүел-енес, һулыш ағзалары ауырыуҙарынан, яман шеш сирҙәренән яфаланыусылар һәм күсереп ултыртылған ағзалары булған кешеләр ҙә изоляция режимын күҙәтергә тейеш.

Ғөмүмән, иммунитеты ҡаҡшаған бөтә кешеләргә әлеге мәлдә өйҙә генә ултырырға кәрәк. Үҙебеҙҙе, бер-беребеҙҙе һаҡлайыҡ!