Бала табыу йорто ла йоғошло сирҙәр өсөн ҡулайлаштырыла

Дим биҫтәһенең 3-сө бала табыу йорто йоғошло сирҙәр бүлексәһе итеп ҡулайлаштырыла. Ул вирус йоҡторған йә бәйләнештә булған йөклө, шулай уҡ гинекология сирле ҡатын-ҡыҙҙарҙы ҡабул итәсәк.

Бала табыу йорто йома көнө үк ябылған, унда ҡайтанан ҡороу эше башланған. Учреждение өс бүлектән тора. Уның тәүгеһе йөклө, икенсеһе гинекология сире булған ҡатын-ҡыҙҙарға һәм өсөнсөһө хәүеф төркөмөнә ингән категорияға иҫәпләнгән.

Бала табыу йортоноң хеҙмәткәрҙәре әйтеүенсә, тәүге ике аҙнала ҡатын=ҡыҙҙарҙы бер табиптар төркөмө ҡараясаҡ, унан һуң улар карантинға оҙатыла. Ашнаҡсылар һәм иҙән йыйыусылар ҙа ошондай уҡ режимда эшләйәсәк. Учреждениенан алынған мәғлүмәттәр буйынса, дауахана 1 апрелдән үк яңы шаттарҙа эш башлай.

Фото "Башинформ" мәғлүмәт агентлығынан алынды.